Britaniya Ukraynaya "Storm Shadow" raketlərini göndərir

Böyük Britaniya qışdan əvvəl mülki infrastruktur əleyhinə Rusiya hərbi əməliyyatlarına qarşı mübarizə aparmaq üçün Ukraynaya əlavə uzun mənzilli "Storm Shadow" qanadlı raketləri təqdim edir. Oxuməni.az xəbər verir ki, bu barədə "Bloomberg" məlumat yayıb.

Rəsmi mənbələrə görə, Ukraynanın Britaniya istehsalı olan raket ehtiyatlarının doldurulması məsələsi 14 oktyabrda Londonda keçirilən görüşdə Böyük Britaniyanın Baş naziri Endi Burnham və Ukrayna Prezidenti Volodimir Zelenski tərəfindən müzakirə edilib.

Müzakirələr zamanı qeyd edilib ki, Britaniya tərəfi Ukraynanın mülki əhaliyə və infrastruktura hücumlarda iştirak edən Rusiya hədəflərinə qarşı uzaqmənzilli silahlardan istifadəsini müdafiə tədbiri kimi görür. Belə bir fikir vurğulanıb ki, son həftələrdə Rusiya Ukraynaya hücumları gücləndirmək üçün reaktiv mühərrikli dronların istehsalını artırıb. Buna görə də mənbələr hesab edir ki, Kiyev bu hərəkətlərə qarşı durmaq üçün imkanlara malik olmalıdır.

Həmsöhbətlər həmçinin bildiriblər ki, Böyük Britaniya Moskva Ukraynaya qarşı oxşar hərəkətləri dayandırana qədər Ukraynadan Rusiya ərazisinə zərbələrin endirilməsini tələb etməyi zəruri hesab etmir. Britaniya hökuməti məlumatla bağlı şərh verməkdən imtina edib. London tammiqyaslı müharibənin başlanğıcından bəri Ukraynaya nə qədər "Storm Shadow" raketi ötürdüyünü açıqlamayıb və bu cür tədarükləri müntəzəm olaraq elan etməyib.

Bir gün əvvəl Böyük Britaniya və Ukraynanın Britaniya hava hücumundan müdafiə sistemlərinin çatdırılmasını sürətləndirmək barədə razılığa gəldikləri açıqlandı. Zelenski ilə görüşü zamanı Bernhem həmçinin Böyük Britaniyanın Ukraynaya dəstəyinin dəyişməyəcəyinə əminlik verib.

Əziz Mustafa