Rusiya Bəşər Əsədi Suriyaya ekstradisiya etməkdən imtina edib

.

Rusiya Suriyanın keçmiş lideri Bəşər Əsədə siyasi sığınacaq vermək qərarını yenidən nəzərdən keçirməyəcək. Suriya məhkəməsi onu müharibə cinayətləri və insanlığa qarşı cinayətlərə görə edam cəzasına məhkum edib. Oxuməni.az xəbər verir k, Rusiya xarici işlər nazirinin müavini Georgi Borisenko bunu Rusiyanın RTVI təbliğat kanalına verdiyi müsahibədə bildirib.

"Suriyalı tərəfdaşlarımız Rusiyanın Bəşər Əsədə humanitar səbəblərdən siyasi sığınacaq verdiyini yaxşı bilirlər. Və Dəməşqdəki hazırkı hökumət Rusiyanın bu qərarının sarsılmaz olduğunu başa düşür", - deyə o bildirib.

Onun sözlərinə görə, Suriyadakı keçmiş Rusiya hərbi bazalarının Rusiya və Suriya qoşunları üçün birgə təlim və logistika mərkəzlərinə çevrilməsi planlaşdırılır. Müvafiq memorandum avqust ayında imzalanmışdı, lakin obyektlərin son statusu ayrıca hökumətlərarası müqavilələrlə təsdiqlənməlidir. Moskva onları 2026-cı ilin sonuna qədər bağlamağa ümid edir.

Borisenko Rusiya ordusunun Əsədin hakimiyyəti dövründə olduğu kimi bazalar üzərində muxtar nəzarəti saxlayıb-saxlamayacağına cavab vermədi.

Xatırladaq ki, Suriya prezidenti Əhməd əl-Şara administrasiyası Xmeymim aviabazasını Rusiyadan ələ keçirib qoşunları üçün təlim mərkəzinə çevirməyi planlaşdırır. Əlavə etmək lazımdır ki, bu ilin yanvar ayının əvvəlində Rusiya qoşunlarını Suriyanın Qamışlı hava limanından çıxararaq Latakiyadakı Xmeymim hava bazasına personal və avadanlıq köçürdü.

Daha sonra, avqustun əvvəlində Suriya və Rusiyanın Suriyadakı Rusiya hərbi bazaları ilə bağlı anlaşma memorandumu imzaladığı elan edildi. Bunlar birgə təlim mərkəzlərinə çevriləcək.

Əziz MUSTAFA