Moskva bölgəsində baş verən partlayışdan sonra böyük yanğın baş verib

20:20

Bəyəndim (0) Bəyənmədim (0)

Moskva bölgəsindəki Podolsk şəhərində anqarda baş verən partlayışdan sonra böyük yanğın baş verib. Oxuməni.az xəbər verir ki, bu barədə Fövqəladə Hallar Nazirliyi hadisə ilə bağlı rəsmi açıqlamasında bildirib.

Xilasedicilər partlayışın təzyiqi aşağı düşmüş qaz çənindən qaynaqlandığını bildiriblər. Yanğının 2400 kvadratmetr ərazini əhatə etdiyi təxmin edilir.

Anqardan 20-dən çox insan təxliyə edilib və Fövqəladə Hallar Nazirliyi iki nəfərin xəsarət aldığını bildirir.

Daha əvvəl Ryazan bölgəsindəki neft emalı zavodunda yanğın baş verdiyi bildirilib. Vilayət qubernatoru Pavel Malkovun sözlərinə görə, bu obyektdən əlavə, nəqliyyat vasitələri və başqa bir zavoddakı anbar da zərər görüb.

Əziz Mustafa