Tramp ABŞ ordusunun rəisini işdən çıxarıb, yerinə “İŞİD-in qatilini” təyin edib

ABŞ prezidenti Donald Tramp və müdafiə naziri Pit Haqset ordu komandanını vəzifəsindən azad edərək onun yerinə Con Keyni təyin edib.. Bu barədə CNN xəbər verib. Nəşr bildirib ki, cümə günü, fevralın 21-i axşam ABŞ prezidenti Donald Tramp Birləşmiş Qərargah Rəisləri Komitəsinin sədri Çarlz Braunu vəzifəsindən azad edib.

Tramp Braunun işdən çıxarıldığını elan etdikdən bir neçə dəqiqə sonra müdafiə naziri Pit Haqset Hərbi Dəniz Qüvvələrinin Baş Qərargah rəisi admiral Liza Françettinin işdən çıxarıldığını elan edən bəyanat yayıb.

Haqset ABŞ Hərbi Hava Qüvvələrinin Baş Qərargah rəisinin müavini general Ceyms Slayfın da vəzifəsindən azad edildiyini açıqlayıb.
Braunun yerinə prezident Tramp Hərbi Hava Qüvvələrinin general-leytenantı Con Dan Keynin komandirliyə namizədliyini elan edib. Bu, qeyri-adi bir hərəkətdir, çünki Keyn artıq təqaüdə çıxıb və dörd ulduzlu general deyil.

2019-cu il Mühafizəkar Siyasi Fəaliyyət Konfransında prezident İraqa səfəri zamanı Keyn ilə görüşdüyünü söylədi. Keyn, ABŞ-ın Yaxın Şərqdəki Xüsusi Əməliyyat Qüvvələrinin və İŞİD-i məğlub etmək üçün həyata keçirilən “Inherent Resolve” əməliyyatının komandir müavini olub.

Tramp Keyni “İŞİD xilafətinin tamamilə məhv edilməsində mühüm rol oynayan” “mübariz” adlandırıb.

Əziz Mustafa, Oxuməni.az