Aİ fələstinlilərin Rəfah şəhərində məcburi köçkün edilməsindən narahatdır

11:25

Bəyəndim (0) Bəyənmədim (0)

Qəzza zolağının cənubundan məcburi köçkünlərə dair göstərişlərlə bağlı gələn xəbərlər dərin narahatlıq doğurur, Böhranların İdarə Edilməsi üzrə Avropa komissarı Aja Labib bildirib.

"Qəzzalılar zorakılıqdan xilas olmaq üçün təhlükəsiz yolları olmayan tələyə düşüblər", deyə Labib bəyan edib. Onlar yolverilməz səviyyələrdə ölüm, xəstəlik, dağıntı və aclıqla üzləşirlər.

"Beynəlxalq humanitar hüquq aydındır: humanitar yardım ehtiyacı olan mülki şəxslərə çatmalıdır. Humanitar yardımdan müharibə aləti kimi istifadə beynəlxalq hüquqla qadağandır. Biz tez bir zamanda davamlı atəşkəsə qayıtmalıyıq", - AK üzvü vurğulayıb.

O əlavə edib ki, bütün girovlar dərhal azad edilməli və Qəzza zolağında didərgin düşmüş insanlara təhlükəsiz və ləyaqətlə öz evlərinə qayıtmaq hüququ təmin edilməlidir.

İsrail Müdafiə Qüvvələri (IDF) martın 18-də Qəzzada HƏMAS-a məxsus hədəflərə ağır hücumlara başlayıb.

Martın sonunda İDF Qəzza zolağının cənubundakı Rəfah şəhəri və ətraf rayonların sakinlərinə ərazini tərk etmələri ilə bağlı xəbərdarlıq edib.

Əziz Mustafa. Oxuməni.az