Kanada Ukraynaya gətirilən tankların təmiri üçün 15 milyon dollar ayıracaq

12:34

Bəyəndim (1) Bəyənmədim (0)

Kanada hakimiyyəti Ukraynaya gətirilən Alman Leopard tanklarının təmiri üçün 20 milyon Kanada dolları (təxminən 15 milyon dollar) ayırmaq niyyətindədir. Bu barədə RİA Novosti Kanadanın müdafiə naziri Devid Makqintiyə istinadən məlumat yayıb.

"Görüş zamanı nazir Makqinti bildirib ki, Kanada Polşadakı "Leopard 2" tanklarına texniki xidmət və təmir mərkəzinə dəstək üçün əlavə 20 milyon dollar ayıracaq", - Kanada Müdafiə Nazirliyi bildirib.

Bundan əlavə, Kanadanın G7 sammitində söz verdiyi kimi əlavə 2 milyard dollar ayıracağı da məlum olub.

Bundan əvvəl Danimarka hökumətinin Ukraynanın bərpası üçün əlavə olaraq 435 milyon kron (68,23 milyon dollar) ayıracağı bildirilirdi. Bildirilib ki, 2025-ci ilin iyulundan 2028-ci ilin iyununa qədər olan dövrdə Nikolaev və Nikolayev vilayətində su təchizatı və istilik təchizatının bərpasına 338 milyon kron (53,01 milyon dollar) xərclənəcək.

Əziz Mustafa