Türkiyə Suriyada üç hərbi baza yaradacaq

4 Avqust 10:07

Bəyəndim (4) Bəyənmədim (0)

Türkiyənin “Daily Ummah” nəşri xəbər verir ki, Türkiyə və Suriya 2025-ci ilin avqustunda təhlükəsizlik və hərbi əməkdaşlıq haqqında sazişləri elan etməyi planlaşdırır.
O, Suriyanın yeni hakimiyyət orqanlarına orduda islahatların aparılmasında və şəxsi heyətin hazırlanmasında, Suriya ərazisində hava hücumundan müdafiə sistemləri və pilotsuz təyyarələrin yerləşdirilməsində yardımı nəzərdə tutur.
Mətbuat yazır ki, gündəmə Suriyada üç türk bazasının yaradılması daxildir. Türkiyə hərbçiləri, necə deyərlər, Palmirada, Tifor (Tiyas) və Menaq hərbi aerodromlarında yerləşdirilə bilər. Hələlik rəsmi mənbələrdən bu məlumatın təsdiqi yoxdur.
Türkiyənin Milli Təhlükəsizlik Şurası bu həftə Suriyanın birliyini, bütövlüyünü və sabitliyini təmin etmək üçün yeni hakimiyyət orqanlarının səylərini dəstəklədiyini açıqlayıb. Ankara həmçinin bildirib ki, Dəməşq terror təşkilatlarına qarşı mübarizədə Türkiyədən kömək istəyib və bu istiqamətdə yardım göstərir.
Almaz Həsənli