Litva Ukraynanın Aİ-yə daxil olması üçün konkret tarix təyin etməyi təklif edir

Litva prezidenti Gitanas Nauseda Ukraynanın Avropa İttifaqına daxil olması üçün konkret tarix təyin etməyi təklif edib. Onun fikrincə, bu, Kiyev üçün mühüm siqnal olardı. Bu barədə LRT-yə istinadən xəbər verir.

Avropa Şurası rəhbərlərinin onlayn görüşü zamanı Nauseda Ukraynanın Aİ-yə daxil olması üçün konkret tarix təyin etməyi və 2025-ci ilin sentyabrında ilk danışıqlar klasterinin açılmasını təklif edib.

"Bu, Ukrayna üçün son dərəcə vacib siqnal olardı. Biz Aİ-yə üzvlük üçün konkret son tarix - 2030-cu il təyin etməklə, onu danışıqlar prosesinə cəlb etməliyik", - o deyib.

Nausėda Ukrayna üçün təhlükəsizlik təminatlarının vacibliyini də qeyd edib. ABŞ-ın dəstəyi və Ukraynada sülhməramlı qüvvələrin yerləşdirilməsi imkanları həmişə əsas şərt olub. Avqustun 18-də Vaşinqtonda keçirilən görüşdən sonra bu perspektiv kifayət qədər real görünür.

Bundan əlavə, Litva prezidenti Ukraynadakı müharibəyə görə Rusiya rejimini cəzalandırmağa və Kremlə təzyiqləri azaltmamağa çağırıb.

"Biz 19-cu sanksiyalar paketini mümkün qədər tez qəbul etməliyik. Əgər Rusiya cəzasız qalsa, ədalətli və davamlı sülh olmayacaq. Dondurulmuş Rusiya aktivləri Ukraynanın ehtiyacları üçün istifadə edilməlidir", - Nauseda əlavə edib.

Donald Tramp bildirib ki, əsas yük avropalı tərəfdaşların üzərinə düşsə də, ABŞ bu zəmanətlərdə iştirak edəcək. Eyni zamanda o, Amerika qoşunlarının Ukraynaya göndərilməsini istisna edib.

Əziz Mustafa