Gürcüstan üç əsas Qərbyönlü Partiyanı qadağan edə bilər
Ölkənin hakim partiyası olan Gürcü Arzusu – Demokratik Gürcüstanın Siyasi Şurası üç əsas müxalifət partiyasının konstitusiyaya zidd elan edilməsi və qadağan edilməsi üçün Konstitusiya Məhkəməsinə müraciət edəcək. Interpressnews-un məlumatına görə, bu barədə 28 oktyabrda Gürcüstan Parlamentinin sədri Şalva Papuaşvili bildirib.
Qadağan edilməsi planlaşdırılan partiyaların siyahısına aşağıdakılar daxildir:
Mixeil Saakaşvilinin Vahid Milli Hərəkatı, media meneceri Nika Qvaramiyanın rəhbərlik etdiyi Dəyişiklik Koalisiyası və iş adamı və bankir Mamuka Xazaradzenin rəhbərlik etdiyi Güclü Gürcüstan partiyası. Bu partiyalar, keçmiş baş nazir Giorgi Qaxariyanın "Gürcüstan Naminə" partiyası ilə birlikdə, 26 oktyabr 2024-cü il parlament seçkilərində 5%-lik həddi keçiblər. Daha sonra Vahid Milli Hərəkat, Dəyişiklik Uğrunda Koalisiya və Güclü Gürcüstan seçki nəticələrinin saxtalaşdırıldığını elan edərək parlamentdən və mandatlarından istefa verdilər. Keçmiş Baş nazir Qaxariyanın "Gürcüstan Naminə" partiyası mandatlarından istefa vermədi, lakin parlament iclaslarında iştirak etmədi və bu yaxınlarda qanunverici orqanın boykotuna son qoydu.
Şalva Papuaşvili vurğuladı ki, üç partiya "birgə antikonstitusiya fəaliyyətləri həyata keçirib" və "dövlət hakimiyyətini sabotaj etmək" üçün "konstitusiyaya zidd məqsədlər qoyub". Spiker həmçinin bildirib ki, hakimiyyət "ayrı-ayrı siyasətçilər öz antidövlət istəklərini ortaya qoyana qədər" konkret şəxsləri siyasi fəaliyyətdən kənarlaşdırmaq niyyətində deyil. Bu halda, "Gürcü Arzusu" konkret şəxslərin siyasi fəaliyyətdən kənarlaşdırılması məsələsinə qayıdacaq.
Əziz Mustafa
