"Vaşinqton Mərkəzi Asiya ölkələrinin öz maraqlarını daha böyük qonşularına qarşı müdafiə etmək qabiliyyətinin vacibliyini başa düşür"

ABŞ-ın Özbəkistandakı keçmiş səfiri Con Herbst hesab edir ki, Vaşinqtonun Mərkəzi Asiyaya hazırkı yanaşması daha praqmatik hala gəlib və qarşılıqlı faydalı sövdələşmələrə yönəlib. Mərkəzi Asiya-ABŞ sammitindən əvvəl o, ABŞ administrasiyası ilə region arasındakı münasibətlər barədə fikirlərini Gazeta ilə bölüşüb.

6 noyabrda Vaşinqton ABŞ prezidenti Donald Trampın bütün Mərkəzi Asiya liderlərini dəvət etdiyi C5+1 (Mərkəzi Asiya + ABŞ) sammitinə ev sahibliyi edəcək.

Zirvə görüşü ərəfəsində Gazeta Atlantik Şurasının Avrasiya Mərkəzinin direktoru və 2000-ci ildən 2003-cü ilə qədər ABŞ-ın Özbəkistandakı səfiri olmuş Con Herbst ilə söhbət edib.

Ondan, xüsusən də Çin və Rusiya ilə rəqabət fonunda Mərkəzi Asiyanın ABŞ xarici siyasət strategiyasındakı yeri barədə fikirlərini bölüşməsini xahiş etdik.

Qeyd etmək lazımdır ki,regiondakı ölkələrin müstəqillik qazanmasından bəri Amerikanın Mərkəzi Asiyaya qarşı xarici siyasətinin konturları sabit qalıb. Vaşinqtonun prioriteti bu dövlətlərin suverenliyini, ərazi bütövlüyünü və müstəqilliyini təşviq etmək, eləcə də ticarət və biznes münasibətlərini inkişaf etdirmək olub. Bundan əlavə, həmişə olduğu kimi, açıq cəmiyyətlər, insan hüquqları və qanunun aliliyi vizyonumuzu təşviq etmək vacib olub. Bütün bunlar 1990-cı illərin əvvəllərindən bəri siyasətin daimi elementləri olub.

Əziz Mustafa