ABŞ senatoru Mərkəzi Asiya ölkələri üçün Cekson-Venik Düzəlişinin ləğvini təklif edib

ABŞ Mərkəzi Asiya ölkələrinə müstəqilliklərini və öz gələcəklərini müəyyən etmək imkanlarını qorumağa kömək etməyə sadiqdir. Bunu ABŞ Senatının Xarici İşlər Komitəsinin sədri, respublikaçı senator Ceyms Riş 5 noyabrda C5+1 (Mərkəzi Asiya + ABŞ) diplomatik platformasının onuncu ildönümünə həsr olunmuş tədbirdə bildirib.

Onun sözlərinə görə, Mərkəzi Asiya ölkələri "mürəkkəb geosiyasi mühitdə"dir.

"Bu gün burada toplaşan liderlər mürəkkəb geosiyasi mühitdə olan dövlətləri təmsil edirlər. Biz bunu başa düşürük. Siz güclü ölkələr arasında qalan böyük millətlərsiniz. "Bugünkü görüş əməkdaşlığımızı gücləndirmək və ölkələrinizin öz müqəddəratını təyin edə bilməsini təmin etmək üçün bir fürsətdir", - deyə o bildirib.

Riş vurğulayıb ki, ABŞ Rusiya və Çinin təsirinə alternativ təklif etməyə hazırdır.

Senator həmçinin ABŞ-ın C5+1 tərəfdaşları ilə iqtisadi qarşılıqlı əlaqəsindəki maneələri aradan qaldırmağa yönəlmiş qanun layihəsinin Konqresə təqdim olunduğunu elan edib.

Əziz Mustafa