Tramp özünə qarşı təhdidlərə görə İranı yer üzündən siləcəyi ilə hədələyib

ABŞ Prezidenti Donald Tramp, həyatı təhlükədə olarsa, bütün ölkəni xəritədən siləcəyinə söz verərək İranı hədələdi.
"Onlar bunu etməməlidirlər, amma mən onları xəbərdar etdim: bir şey baş verərsə, bütün ölkə tüstüyə qərq olacaq. Mənim çox aydın təlimatlarım var: bir şey baş verərsə, onlar yer üzündən silinəcəklər", - deyə o, NewsNation aparıcısının İranın Trampı təhdid etməsi iddiasına münasibət bildirərkən bildirib.

Amerika lideri həmçinin sələfi Co Baydeni Tehrana qarşı kifayət qədər sərt mövqe tutmamaqda günahlandırdı. "Biz həmişə Baydenin niyə heç nə demədiyini düşünürdük? Əgər mən o vaxt burada Ağ Evdə olsaydım və onlar mənə etdiyi kimi hər kəsi - hətta prezidenti yox, sadəcə hər kəsi - təhdid etsəydilər, mən mütləq onlara çox güclü zərbə vurardım", - deyə o bildirib.

Ötən həftə İran Məclisinin (birpalatalı parlament) spikeri Məhəmməd Baqer Qalibaf bildirib ki, İran Tramp İslam Respublikasına hücum etmək qərarına gələrsə, ona "unudulmaz dərs" verməyə hazırdır.

Əziz MUSTAFA