G7 Ukraynada nüvə təhlükəsizliyi üzərində işləməyə sadiqdir

Yeddi Qrup (G7) Ukraynada nüvə təhlükəsizliyini təmin etmək üçün əməkdaşlıq etməyə sadiqdir.

"Çernobıl Atom Elektrik Stansiyası üzərindəki məhdudlaşdırıcı qövsü bərpa etmək və bütün qitə üçün ciddi humanitar və ekoloji nəticələrə səbəb ola biləcək hər hansı bir radioloji hadisənin qarşısını almaq üçün vəsaitlərin sürətli səfərbər edilməsini asanlaşdırmaqla, Avropa Yenidənqurma və İnkişaf Bankı və Ukrayna da daxil olmaqla, nüvə təhlükəsizliyini təmin etmək üçün sıx əməkdaşlıq etməyə sadiqik", yeddi inkişaf etmiş iqtisadiyyat (Birləşmiş Krallıq, Almaniya, İtaliya, Kanada, ABŞ, Fransa və Yaponiya) tərəfindən dərc edilmiş sənəddə qeyd olunur.

G7 həmçinin ABŞ prezidenti Donald Trampın Ukraynada sülhə nail olmaq səylərinə "davamlı dəstəyi" ifadə edərək, Avropanın "digər tərəfdaşların" dəstəyi ilə bu prosesdə "aparıcı rol" oynamalı olduğunu bildirib.

Bəyanatda deyilir: "Biz yalnız Ukrayna və Rusiyanın xoşməramlı danışıqlarda birgə çalışaraq sülh razılaşmasına nail ola biləcəyini qəbul edirik".

Əziz Mustafa