Zelenski Trampın nümayəndələrinin yaxın zamanda Kiyevə və Moskvaya səfər edəcəyini açıqlayıb
ABŞ Prezidenti Donald Trampın nümayəndələri yaxın vaxtlarda Kiyevə və Moskvaya səfər edəcəklər. Oxuməni.az xəbər verir ki, bu barədə Ukrayna Prezidenti Volodimir Zelenski axşam videomüraciətində bildirib.
“İlkin tarixlər var. Biz Amerika prezidentinin nümayəndələrini burada, Kiyevdə görəcəyimizə ümid edirik. Onlardan təsdiq də var: Moskvada və Kiyevdə görüş keçiriləcək. Biz yaxın günlərdə görüşün baş tutacağına ümid edirik”, — deyə o bildirib. Zelenski bununla yanaşı, “Amerikanın bundan sonra da fəal iştirak etməsinin” vacibliyini vurğulayıb.
Daha əvvəl Vladimir Putin Şərq İqtisadi Forumunun plenar iclasında çıxış edərkən Ukraynadakı müharibənin nizamlanması üçün “şansların” olduğunu bildirib. “Bu məsələnin nizamlanmasına töhfə verməyə çalışan hər kəsə minnətdarıq. Şanslar varmı? Mənim fikrimcə, bəli, var”, — deyə o bildirib. Bununla yanaşı, Putin münaqişənin həllində əsas rolun birbaşa cəlb olunmuş tərəflərə aid olduğunu, digər ölkələrin isə yalnız prosesə kömək edə biləcəyini vurğulayıb. “Hər şeydən əvvəl Rusiya və Ukrayna öz aralarında razılığa gəlməlidir, bütün digər ölkələr isə, o cümlədən yalnız ABŞ deyil, dəstək verməyə və kömək etməyə hazırdır”, — deyə Putin əlavə edib.
Daha əvvəl Ukrayna Prezident Ofisinin rəhbəri Kirill Budanov ABŞ-ın vasitəçiliyi ilə müharibə aparan ölkələrin nümayəndə heyətlərinin görüşünün sentyabr ayında keçirilə biləcəyini bildirib. Lakin Kiyevdə Kremlin sülhə hazır olduğuna şübhə ilə yanaşırlar. Budanovun müavini Pavel Palisa bildirib ki, Putin hərbçilərə Ukraynanın şimalında, o cümlədən Kiyev və Çerniqov istiqamətində hücum üçün bir neçə ssenari hazırlamağı tapşırıb. Eyni zamanda, Kreml Rusiyanın tam şəkildə ələ keçirə bilmədiyi Donbasın bütün ərazisinin təhvil verilməsində israr etməkdə davam edir.
Almaz Həsənli
