Rusiya büdcə xərclərinin üçdə birini gizlədir

Rusiya 2,4 trilyon rubl təşkil edən büdcə xərclərinin üçdə biri haqqında məlumatı açıqlamır. Bu, ötən ilin eyni dövrü ilə müqayisədə iki dəfə çoxdur.

Oxuməni.az xəbər verir ki, bu barədə Bloomberg agentliyi Rusiya Federasiyasının vahid büdcə sisteminin portalına istinadən məlumat yayıb.

Bloomberg-in əvvəlki hesablamalarına görə, bütün 2023-cü il üçün federal büdcə layihəsi xərclərin dörddə birinin (6,6 trilyon rubl) təsnifatını nəzərdə tutur. İqtisadçı Oleksandra Suslina deyir ki, məxfi xərclərin rekord yüksək payı Ukraynadakı müharibə ilə bağlı xərclərin artdığını göstərir. O, pulun həm müharibə aparmaq, həm də ilhaq edilmiş əraziləri saxlamaq üçün istifadə oluna biləcəyini düşünür.

Müdafiə xərcləri keçən ilin eyni dövrü ilə müqayisədə iki dəfə artaraq 531 milyard rubla çatıb. Daha 379 milyard rubl təhlükəsizlik məqsədləri üçün xərclənib. Bu xərclər sosial proqramlardan sonra ikinci yerdədir. Eyni zamanda, təhsil və səhiyyə xərcləri bir qədər artıb, iqtisadiyyata və sosial proqramlara ayrılan xərclər isə dəyişməyib.

2023-cü il fevralın 22-də Rusiya Federasiyasının Dövlət Duması rəsmi statistikanın dərcinin dayandırılmasına icazə verən qanun layihəsini üçüncü oxunuşda qəbul edib. Qəbul edilmiş düzəlişlərdən biri hökumətə öz mülahizəsinə əsasən Rosstat statistikasına çıxışı məhdudlaşdırmağa imkan verəcək.

Rüfət, Oxuməni.az