MDB ölkələrinin bankları Rusiya ödəniş sistemi ilə işləməkdən imtina edirlər

Özbəkistan, Qazaxıstan, Ermənistan, Qırğızıstan, Tacikistan və Gürcüstanın bəzi bankları Rusiyanın “Unistream” ödəniş sistemi ilə işləməyi dayandırıb.

Oxuməni.az Rusiya mətbuatına istinadən xəbər verir ki, Qırğızıstanda əməkdaşlığı Kompanion, Finsa, RSK, Capital, Halyk və Bank of Asia bankları dayandırıb. Ermənistanda “Ardshinbank” və “Converse Bank” ödəniş sistemi ilə işləməyi dayandırıb. "Evocabank" və "Armeconombank" Rusiyanın ödəniş sistemi ilə əməkdaşlığı kəsilmiş versiyada davam etdirir - köçürmələr yalnız rubl və dramla edilə bilər.

Özbəkistanın ən böyük bankı olan Hulk Bank və İpoteka Bank Unistream ilə işi dayandırıblar.

Qazaxıstanda “Kazpost” ödəniş sistemi ilə işləməyi dayandırıb. Eyni zamanda Qazaxıstanın “Nurbank”ı “Unistream” sistemindən istifadə etməklə pul qəbulunu və göndərilməsini davam etdirir.

Gürcüstanda əməkdaşlığı TBC bank, Bank of Georgia və Liberty bankı dayandırıb. Tacikistanda Orienbank və Humo Bankın dəstək xidməti iyulun 21-dən transfer sistemi ilə işləmədiklərini bildirib.

Əziz Salamoğlu