Playboy-un banisi vəfat etdi

28 Sentyabr 2017 09:29

Bəyəndim (0) Bəyənmədim (0)

Kişilər üçün ən məşhur jurnal olan Playboy-un banisi və sahibi, 92 yaşlı Hyu Höfner vəfat edib.

Milli.Az bildirir ki, bu barədə məlumat jurnalın Tvitter akkauntunda paylaşılıb.

"Amerikanın ikonası və Playboy-un banisi Hyu M.Höfner dünyasını dəyişdi. Onun 91 yaşı vardı", - açıqlamada deyilir.

Playboy 1953-cü ildən bəri ABŞ-da dərc olunur. Müxtəlif vaxtlarda jurnalın üz qabığını Merilin Monro, Sindi Krouford, Pamela Anderson bəzəyiblər. Jurnalın ilk sayı 1953-cü ildə 51 min tirajla çap olunub. İndi Playbo dünyanın ən müxtəlif ölkələrində, fərqli dillərdə nəşr olunur.

2013-cü ilin yanvarında 88 yaşlı Höfner 26 yaşlı model Kristal Harrislə evlənmişdi. Playboy-un sahibi bu modellə əslində 2011-ci ilin iyun ayında evlənmək istəyirdi. Lakin toya 5 gün qalmış K.Harris "sevgilisi"ndən qaçmışdı.

2015-ci ilin oktyabrında jurnal tam çılpaq modellərin fotolarını dərcindən imtina edib.