Vaşinqtonda Trampın şəkli olan ABŞ pasportları verilməyə başlanılıb

13:01

Bəyəndim (1) Bəyənmədim (0)

Vaşinqton Pasport Agentliyi prezident Donald Trampın portreti olan məhdud sayda pasportların verilməsinə başlayıb. Oxuməni.az xəbər verir ki, bu barədə "The New York Times" məlumat yayıb.

Pasportun dizaynı ölkənin müstəqilliyinin 250 illiyinə həsr olunub. Sənəd yalnız bir pasport agentliyində, şəxsən müraciət edildikdə standart olaraq verilir. Onu tiraj bitənə qədər orada əldə etmək mümkündür. Onlayn xidmətlər və digər şöbələr standart dizayndan istifadə etməyə davam edir.

Nəşrin məlumatına görə, bəzi müraciət edənlər üçün prezidentin şəkli olan sənədi almaq gözlənilməz olub. Vətəndaşların reaksiyası bəzilərində həvəsdən, digərlərində isə məyusluğa qədər dəyişir.

Bu cür pasportların buraxılması genişmiqyaslı "America250" təşəbbüsünün bir hissəsidir. Bu proqram çərçivəsində Trampın şəkli milli parklara giriş icazələrində, xatirə sikkələrində yerləşdirilir, onun imzası isə yeni Amerika valyutası banknotlarında əks olunur.

Almaz Həsənli