Rəsul Quliyevdən SENSASİON AÇIQLAMA: "İran vətəndaşı olacaqdıq..." - VİDEO

İnternet resurslarında Milli Məclisin sabiq sədri Rəsul Quliyevin videomüsahibəsindən bir fraqment yayılıb. Fars dilində alt yazıları ilə müşayiət olunan bu fraqmentdə R.Quliyevin jurnalist Emin Hüseynliyə müsahibə verdiyi görünür.

Oxuməni.az xəbər verir ki, R.Quliyev İran mövzusunda danışaraq deyir ki, vətənimiz İrandır, 1812-ci ildə Rusiya Azərbaycanın yarısını İrandan qoparıb, bu olmasaydı, biz İran vətəndaşı olacaqdıq.

Bundan başqa, o, Cənubi Azərbaycanda yaşayan soydaşlarımızın assimlyasiya olunmadığını, özlərini iranlı saydıqlarını bildirir və deyir ki, əksinə, onlar müstəqil Azərbaycanın İrana qatılacağını düşünürlər.

Qeyd edək ki, bu videomüsahibənin köhnə olması ehtimalı böyükdür. Fəqət Azərbaycanın aparıcı siyasi simalarından biri bu düşüncədədirsə və bu fraqment bu gün, İranla Azərbaycanın arasında müəyyən gərginlik yarandığı günlərdə yayılırsa, demək, bulanıq suda balıq tutmaq istəyənlər var.

Yaxın saatlarda Rəsul Quliyevlə, hazırda ABŞ-da yaşayan eks-spikerlə əlaqə saxlamağa cəhd edəcəyik və videonun nə dərəcədə yeni-köhnə olduğunu öyrənməyə, onun bu fikrində qalıb-qalmadığını dəqiqləşdirməyə çalışacağıq.