İrina Farionun qətlinə görə məsuliyyəti NS/WP öz üzərinə götürüb

Ukrayna Ali Radasının keçmiş deputatı İrina Farionun qətlinə görə məsuliyyəti NS/WP öz üzərinə götürüb. Bu barədə çərşənbə günü, iyulun 24-də Ukraynanın “Direct” telekanalı məlumat yayıb.

“Nasional Sosialistlər – NS/WP hərəkatı, Milli Sosializm/Ağ Güc – İrina Farionun qətlinə görə məsuliyyəti öz üzərinə götürüb”, – bəyanatda deyilir.

Qeyd olunur ki, qrup qətl anını əks etdirdiyi iddia edilən video yayımlayıb.

NS/WP-də törədilən cinayətin səbəbi, medianın məlumatına görə, “Ukrayna cəmiyyətində linqvistik zəmində nifrətin qızışdırılması” adlandırılıb.

60 yaşlı Farion iyulun 19-da güllələnib. O, daha sonra xəstəxanada dünyasını dəyişib. Bildirilib ki, eks-deputat bir həftədən artıqdır ki, onu həyətdə izləyən, əlcək geyinmiş və səsboğucusuz silahdan istifadə edən şəxs tərəfindən güllələnib.

Əvvəlcə parlamentin keçmiş deputatına hücumla bağlı cinayət işi açılsa da, Farionun ölümündən sonra Ukrayna Milli Polisi işi qəsdən adam öldürmə maddəsi kimi tövsif edib. Onlar əlavə ediblər ki, hüquq-mühafizə orqanları ona kimin hücum etdiyini öyrənmək və təcavüzkarı saxlamaq üçün lazım olan hər şeyi edirlər.

Daha sonra, iyulun 21-də Ukrayna Milli Polisi qətldə şübhəli bilinən şəxsin görüntülərini nümayiş etdirib. Ukrayna hüquq-mühafizə orqanlarının məlumatına görə, bu, təxminən 20 yaşında və boyu 170-180 sm olan gəncdir.

Oxuməni.az