Ukraynada ağır döyüşlər davam edir

Ukrayna Silahlı Qüvvələri cəbhənin ən azı dörd sektorunda əks-hücum əməliyyatları keçirib və irəliləyib.

Oxuməni.az xəbər verir ki, bu barədə Amerika Müharibənin Öyrənilməsi İnstitutunun (ISW) son hesabatında deyilir.

Məlumata görə, Ukrayna Silahlı Qüvvələri Liman istiqamətində əks-hücum əməliyyatları keçirib. Həmçinin, Ukrayna qüvvələri Baxmut bölgəsində, Donetsklə sərhəddə və Zaporojye vilayətlərinin qərbində əks-hücum əməliyyatını davam etdirir. Cənubda Ukrayna hərbçiləri 154,4 kvadrat kilometr ərazini azad edə bilib.

Ukrayna ordusu ölkənin şərqində 9 kvadrat kilometr ərazini geri alıb. Geolokasiya görüntüləri Ukrayna qüvvələrinin Baxmutdan cənub-qərbə doğru irəlilədiyini göstərir. Həmçinin, bəzi məlumatlara görə, Ukrayna Silahlı Qüvvələri Zaporojye vilayətinin qərb hissəsindəki Orexovdan cənubda irəliləyiş əldə edib.

Bundan əlavə, Rusiya və Ukrayna qoşunları Baxmut bölgəsində döyüşləri davam etdirirlər. Ukrayna Silahlı Qüvvələri Baxmutdan cənub-qərbə doğru irəliləyib. Ukrayna Silahlı Qüvvələri "LPR" 2-ci ordu korpusunun 4-cü briqadasının bölmələrinin müqavimət göstərdiyi Klişeevka, Kurdyumovka və Ozaryanovka bölgələrində qurudan zərbələr endirib.

Svyato-Kremennaya xəttində və Kremennayanın cənubunda da döyüşlər davam edir.

Əziz Mustafa