ABŞ Ukrayna üçün sursat istehsalını artırmaq niyyətindədir

21 Avqust 2023 10:19

Bəyəndim (0) Bəyənmədim (0)

ABŞ Ukrayna Silahlı Qüvvələrini qışda kifayət qədər silahla təmin etmək üçün sursat istehsalını artırmağı planlaşdırır.

Bu barədə The Washington Post yazır.

Nəşrin mənbələrinə görə, Co Bayden administrasiyası ilk növbədə Qərbin onilliklər ərzində adi arsenalının əsasını təşkil edən və Ukraynanın davam edən əks-hücum əməliyyatı üçün kritik olduğunu sübut edən 155 mm-lik artilleriya mərmilərinin istehsalını genişləndirməyə diqqət yetirib.

“Ukrayna qoşunlarının qışda müasir kombinə edilmiş silah manevrləri üzrə Amerika təlimi keçməsinə baxmayaraq, prezident Vladimir Zelenski hökuməti bu taktikadan böyük ölçüdə imtina edib, əvəzində Rusiyanın minalanmış sahələrini və xəndək xətlərini yarmaq cəhdində ağır artilleriya yanaşmasını tətbiq edib”, - məqalədə deyilir.

Əziz MUSTAFA