“Frayburq” klubunun futbolçusu Azərbaycan yığmasına çağırılıb
Almaniyanın "Frayburq" klubunun hücumçusu Ufuk Budak sabahdan yığmamızın hazırlığına qatılacaq. O, milli komandamızın Bakıda başlayan təlim-məşq toplanışına dəvət olunub. Ufuk Almaniyada oynayan türk futbolçularındandır ki, AFFA-nın apardığı seleksiya işi nəticəsində onda Azərbaycan kökü aşkarlanıb.
Budak hələ bu ilin mayın 31-də 21 yaşlılardan ibarət yığmamızın (U-21) moldovalı həmyaşıdları ilə yoldaşlıq görüşündə sınanmışdı. O, U-21-mizin avqustun 1-dən 4-dək Bakıdakı təlim-məşq toplanışına çağırılsa da, millimizin baş məşqçisi Berti Foqts onu öz komandasında sınamağı qərara alıb.
İnanırıq ki, yeni futbolçumuz avtoqollarla yox, qollarla yadda qalacaq.
Tofiq Əliyev
O.M.
Digər xəbərlər