Poeziya buketi, nəğmə çələngi
Sənlə keçən günlərim
Bir əbədi həyatdır,
Sənlə keçən günlərim.
Cör necə səadətdir,
Sənlə keçən günlərim
***
Şirin dolu röyadır,
Coşqun axan gur çaydır,
Minbir nemət, min paydır
Sənlə keçən günlərim
***
Günəş olub çıxandı,
Zülmətləri yıxandı.
Şimşək olub çaxandı,
Sənlə kecən günlərim
***
Gül-çiçəkli bir yazdı,
Həm kamandı, həm sazdı.
Min nəğmə, min avazdı,
Sənlə keçən günlərım
Mən səni gözləyirəm
Mən səni gözləyirəm,
Səhər günəş doğanda.
Milyonların qəlbinə
Günəş nuru yağanda
***
Mən səni gözləyirəm,
Min yol saçını yolan,
Yağışa həsrət qalan,
Susuz səhralar kimi.
***
Mən səni gözləyirəm,
Həsrətin işığında.
Mənə ümid verəcək,
Bir şirin baxışında.
***
Mən səni gözləyirəm,
Bilirəm gələcəksən.
Şirin nəğmələrinlə,
Şəfəqlər saçacaqsan.
***
Amma...
Gəlməsən də gözlərəm.
Min yol ölüb dirilsəm,
Zərrə, zərrə çürüsəm
Yenə səni gözlərəm,
Yenə səni gözlərəm...
Əzız Mustafa