Fərqanə vadisində yerləşən dövlətlər arasında sərhəd xətti məsələsi çox mürəkkəbdir

2 İyul 11:22

Bəyəndim (0) Bəyənmədim (0)

BMT-nin baş katibi Qırğızıstan və Tacikistan arasında sərhəd mübahisələrinin sülh yolu ilə həllinə ümid edir

Eyni zamanda Antonio Quterreş etiraf edib ki, Fərqanə vadisində yerləşən dövlətlər arasında sərhəd xətti məsələsi çox mürəkkəbdir.
BMT-nin baş katibi Antonio Quterreş Tacikistan və Qırğızıstanın son nəticədə iki ölkə arasındakı sərhəd mübahisələrini danışıqlar yolu ilə həll edəcəyini gözləyir. O, bunu Çolpon-Ata şəhərində Qırğızıstan prezidenti Sadır Japarovla görüşündə deyib.

“Mən əminəm ki, Tacikistanla sərhəd məsələsi diplomatiya, sülh yolu ilə, danışıqlar yolu ilə həll olunacaq”. O, sərhəd problemlərinin həllinin müsbət nümunəsi kimi Qırğızıstan və Özbəkistan arasında ümumi sərhədin demarkasiyası və delimitasiyası işlərinin uğurla başa çatdırılmasını göstərib.

Eyni zamanda, Quterreş etiraf edib ki, Fərqanə vadisində yerləşən dövlətlər arasında sərhəd xətti məsələsi çox mürəkkəbdir, çünki onun ərazisindəki sərhədlər “tamaşa kimi” uzanır.

Oxuməni.az