Mask Tramp administrasiyasında vəzifə almayacaq - CNN

“Tesla” və “Space X”-in qurucusu milyarder İlon Mask çox güman ki, Donald Trampın gələcək administrasiyasında vəzifə almayacaq, baxmayaraq ki, onun ABŞ-ın seçilmiş prezidentinə təsiri artmaqdadır, “CNN” məlumatlı mənbələrə istinadən yazır.
Maska, Federal hökumətdəki xərcləri azaltmaq üçün səmərəlilik komissiyasına rəhbərlik etmək üçün açıq şəkildə təklif edildi. Ancaq həmsöhbətlərdən biri kanala bildirib ki, rəhbərlik etdiyi şirkətlərdəki roluna necə təsir edəcəyi səbəbindən hökumətdə vəzifə tutmaq istəməsi ehtimalı azdır.
Mask, çox güman ki, mübahisəli məsələlərlə bağlı ABŞ hökumətinə tövsiyələr hazırlayan “mavi lent” adlanan komitələrdən birinə təyin ediləcək. Belə olan halda o, sıravi məmurlara qarşı irəli sürülən tələblərdən, xüsusən də maraqların toqquşmaması üçün aktivlərin satılması və ya kor-koranə etibara verilməsindən yayına biləcək.
Mənbələr qeyd edir ki, Maskın Tramp üzərində böyük təsiri var. O, Trampın qələbəsindən sonra demək olar ki, hər gün Palm- Biç kurortunda görünürdü. Bəzi gecələr onunla verandada nahar edirdi, bazar günləri isə qolf meydançasında ailəsi ilə vaxt keçirirdi.
Bundan əlavə, bir neçə dünya lideri Trampı salamlamaq üçün zəng edəndə Mask otaqda olub və həmçinin kadr qərarlarında iştirak edib, mənbələrdən biri deyir ki, Tramp Maskdan “məftun olub”.