NATO Norveçin şimalında amfibiya əməliyyatları mərkəzi açır

1 Dekabr 11:12

Bəyəndim (0) Bəyənmədim (0)

NATO Arktikada Rusiya Federasiyası ilə sərhəddə əməliyyatlarını gücləndirmək üçün növbəti addımı çərçivəsində Norveçdə amfibiya əməliyyatları mərkəzi yaradılıb. Bu barədə Newsweek xəbər verir.

Nəşrin məlumatına görə, mərkəz Norveçin şimalındakı Serreysdə yaradılıb. O, Britaniya, Amerika və Hollandiya personalı üçün amfibiya təlimi verəcək. Ölkənin özünün hava-desant qoşunları yoxdur, lakin onun əsas ordu hissələrinin və xüsusi təyinatlı qüvvələrinin bəziləri bu bölgədə yerləşir.

Norveç Müdafiə Nazirliyinin rəhbəri obyekti ziyarət etdikdən sonra deyib: "Biz böhran və müharibə vəziyyətində Norveçi, Şimali regionu və NATO-nu qorumaq üçün birlikdə məşq etməliyik".

Rusiyanın Ukraynaya genişmiqyaslı müdaxiləsindən sonra Norveç hərbi obyektlərə investisiyaları artıraraq təkcə Tromso bazasına təxminən 1,44 milyard dollar xərcləyib.

Oxuməni.az