Ukraynada sülhməramlıların olması faktiki olaraq NATO-ya daxil olmaqdır

Əgər NATO ölkələri öz qoşunlarını Ukraynadakı demarkasiya xəttlərinə göndərsəydi, bu, ölkənin faktiki olaraq Alyansa daxil olması olardı.

Diplomat və Milli Strateji Araşdırmalar İnstitutunun müşaviri Andrey Veselovski bu barədə RBC-Ukrayna YouTube kanalına şərhində danışıb.

"Əgər bu, açıq şəkildə razılaşdırılsaydı, atəşkəs əldə edildikdən sonra Rusiya Federasiyası NATO qoşunlarının demarkasiya xəttində olmasına razılıq versəydi, bu, bizim NATO-ya faktiki girişimiz olardı", - Velelovski hesab edir.

O qeyd edib ki, o zaman Ukraynanı NATO qoşunları müdafiə edəcək.

"Kreml razılaşarsa, onda nə problem var? Biz NATO-ya üzv olmadığımız müddətdə onlar orada dayana bilərlər. Niyə də olmasın. Amma bunun pulunu kimin ödəyəcəyi bəlli deyil. Amma bu, başqa sualdır", - ekspert əlavə edib.

Xatırladaq ki, Ukraynada sülhməramlı qoşunların yerləşdirilməsi ideyası ötən il Fransa prezidenti Emmanuel Makron tərəfindən irəli sürülüb. O, həmçinin Ukrayna Silahlı Qüvvələrinə Ukrayna ərazisində təlim keçməyi təklif edib.

Oxuməni.az