Türkiyə Suriyada hərbi bazalar qurmağı planlaşdırır

Türkiyə rəhbərliyi respublikanın yeni hökuməti ilə birgə müdafiə müqaviləsi bağlayaraq Suriyada möhkəmlənmək niyyətindədirlər. Bu, Ankaraya öz qoşunlarını Suriyada “qanuni” yerləşdirmək imkanı verəcək. Bu məlumatı Türkiyənin iqtidaryönlü “Türkiyə” qəzeti paylaşıb.
Nəşrin ərəb mənbələrinə istinadən verdiyi məlumata görə, Türkiyə Suriyada iki hərbi baza qurmaq, orada döyüş təyyarələri, xüsusən də ümumi sayı 50 ədədə qədər olan F-16 qırıcıları yerləşdirmək istəyir. Bütün bunlar Suriyanın suverenliyinin qorunması üçündür, çünki Dəməşqin hazırda öz aviasiyası yoxdur. Buna görə də türklər Dəməşq öz hava qüvvələrini yaradana qədər “sifarişi” saxlamağı təklif edirlər. Türklər bu məqsədlə suriyalı pilotlar yetişdirməyə hazırdırlar və eyni zamanda ordunun hazırlığına köməklik göstərəcəklər.
“Türkiyə və Suriya ortaq müdafiə sazişi imzalayacaq.Yaxın vaxtlarda imzalanması gözlənilən sazişə əsasən, Dəməşqin qəfil təhlükə ilə üzləşəcəyi təqdirdə Ankara Suriyaya yardım göstərəcək,”- Türkiyə mətbuatı yazır.
Ümumiyyətlə, Ankaranın Suriya ilə bağlı çox böyük planları var, bu prosesdə Türkiyə ordusu Rusiya ordusunu əvəz etməlidir və Türkiyə hərbi bazalarının gəlməsi ilə Xmeymim və Tartus bağlana bilər. Hələ heç kim bu barədə danışmır, lakin bu seçim olduqca mümkündür. Türklərin Suriyadakı Rusiya bazalarına ehtiyacı yoxdur. Suriyada möhkəmlənmək şansı əldə edən Ankara bunu əldən verməyəcək.
Rusiya hərbi bazalarının taleyi müəyyən edilməsə də, danışıqlar davam edir və onların necə başa çatacağı digər məsələlərlə yanaşı, Türkiyədən də asılı olacaq.
Almaz Həsənli