Macarıstan Aİ-nin Rusiyaya qarşı sanksiyaları səbəbindən 19 milyard avro itirib

Macarıstan Avropa İttifaqının (Aİ) Rusiyaya qarşı tətbiq etdiyi sanksiyalara görə 19 milyard avro itirib. Bunu Macarıstanın Baş naziri Orban deyib.

“Sanksiyalar sistemi onsuz da pisdir və Macarıstan sanksiyalara görə təxminən 19 milyard avro itirib",- Orban Macarıstanın Kossuth radiostansiyasının səhər proqramında bildirib.

O qeyd edib ki, Aİ-nin Rusiyaya qarşı sanksiyaları yalnız Kiyevin Rusiya qazının öz ərazisindən tranzitini bərpa etməsi, “Türk axını” boru kəmərində təxribatlara son qoyması və neftin tranzitini təhdid etməsini dayandırması şərtilə uzadıla bilər.

Yanvarın 23-də Macarıstanın baş nazirinin ofisinin rəhbəri Qergeli Qulyas bildirmişdi ki, sanksiyalar aradan qaldırılmalıdır. Onun sözlərinə görə, Macarıstan hesab edir ki, Avropa İttifaqı (Aİ) Rusiyaya qarşı sanksiyaları avtomatik uzatmamalıdır, çünki bu məsələ müzakirə tələb edir.

Bundan əvvəl, yanvarın 21-də Orban Aİ-ni Rusiyaya qarşı sanksiyalar siyasətinə yenidən baxmağa çağırıb. Onun sözlərinə görə, məhdudiyyətlər öz məqsədlərinə nail olmayıb və yalnız Avropa iqtisadiyyatının rəqabət qabiliyyətinin məhvinə gətirib çıxarıb.

Macarıstan hökumətinin başçısı Qərbin Rusiya üzərində qələbəsi ehtimalını istisna edib. O, həmçinin dünya güclərinin “böyük həvəslə” yeni dövrə hazırlaşdığı bir vaxtda Qərb dünya nizamının sona çatdığını söyləyib.

Əziz Mustafa, Oxuməni.az