ABŞ Rusiyaya qarşı sanksiyaları yumşaltmaq planını nəzərdən keçirir

11 Mart 12:33

Bəyəndim (2) Bəyənmədim (0)

ABŞ prezidenti Donald Trampın müşavirləri Rusiyaya qarşı sanksiyaların yumşaldılması planı hazırlayır. Bu barədə “Bloomberg” mənbələrə istinadən məlumat yayıb. Onların fikrincə, söhbət xüsusilə Rusiya nefti ilə bağlı məhdudiyyətlərdən gedir.
Martın 7-də “Bloomberg” xəbər verib ki, Ağ Ev, xüsusən də Qərb ölkələrinin şirkətlərinə Rusiyadan bir barel üçün 60 dollardan çox qiymətə alınan neftin daşınmasını və sığortalanmasını qadağan edən neft tavanı adlanan normanın ləğvini müzakirə edir.
“Bloomberg” və “Reuters” mənbələri sanksiyaların yumşaldılmasının şərti kimi Rusiyanın Ukrayna ilə sülh sazişi bağlamağa razılıq verməsini adlandırır. Eyni zamanda, “Reuters” mənbələrinə görə, Vaşinqtonun planları Kremldən güzəştə getmədən məhdudiyyətləri aradan qaldırmaq əlaməti deyil.
Martın 7-də Tramp Rusiyanı Ukraynaya qarşı hərbi əməliyyatları dayandırmaq və Kiyevlə danışıqlar aparmaq istəmədiyi təqdirdə onu genişmiqyaslı sanksiyalarla hədələyib.
Almaz Həsənli