İranın Avstraliyadakı səfiri antisemitizm ittihamlarını rədd edib
Avqustun 28-də Avstraliya hakimiyyətinin tələbi ilə ölkəni tərk edən İslam Respublikasının Kanberradakı səfiri Əhməd Sadeqi deyib ki, Avstraliyadan İrana qarşı antisemitizm ittihamları əsassızdır. Bu barədə RİA Novosti məlumat yayıb.
“Bunlar əsassız ittihamlardır” deyən diplomat, sadəcə olaraq Avstraliyada öz işini gördüyünü bildirib.
Bundan əlavə, Sadeqi Kanberra və Tehran arasında dostluq münasibətlərinin saxlanmasına çağırıb.
Avqustun 26-da bildirildi ki, Avstraliya Təhlükəsizlik Kəşfiyyat Təşkilatı (ASIO) İran İslam İnqilabı Keşikçiləri Korpusu ilə 2024-cü ildə Sidneyin Bondi rayonundakı Lewis Continental Kitchen yəhudi restoranı və Melburndakı Adass İsrail sinaqoqunun yandırılması hücumları arasında əlaqə tapıb.
Avstraliyanın baş naziri Entoni Albanese baş verənləri “fövqəladə və təhlükəli təcavüz aktları” adlandırıb. İran səfirinin persona non-qrata elan edilməsi İkinci Dünya Müharibəsindən sonra ilk xarici nümayəndənin ölkədən qovulmasıdır.
Əziz Mustafa
