Britaniyalıların üçdə birindən çoxu ruhlara inandığını etiraf edir

Ipsos tərəfindən aparılan və The Guardian qəzetində dərc olunan Milli Folklor Sorğusuna görə, Britaniyalıların üçdə birindən çoxu ruhların varlığına inanır.

The Guardian qəzeti bildirir ki, respondentlərin ümumilikdə 29%-i axirət həyatına, 36%-i ruhlara və ölülərin ruhlarına, 27%-i isə ölülər dünyası ilə əlaqə qurmağın mümkün olduğuna inanır. Bundan əlavə, sorğu iştirakçılarının 16%-i "fövqəltəbii təcrübə" yaşadıqlarını, 45%-i isə deja-vu (nə vaxtsa indi başına gələnlərin baş verdiyini və bundan əvvəlki həyatında da eyni şeyləri yaşadığını xatırladan psixoloji hiss) keçirdiklərini bildiriblər.

25-34 yaş arası respondentlər paranormal hadisələrə inanmağa daha çox meyllidirlər. Qəzetin sitat gətirdiyi tədqiqatçı Devid Klarka görə, tədqiqatın nəticələrinə televiziya və film təsir edib.

Onun həmkarı, tədqiqatçı Sofi Parkes-Nild qeyd edib ki, folklor sosial mediada böyük populyarlıq qazanıb. Sorğuda 16 yaşdan yuxarı 1730 İngiltərə sakini iştirak edib. Nəşrdə səhv ehtimalı göstərilməyib. The Guardian qeyd edir ki, oxşar sorğu altı onillikdən çox əvvəl ingilis əhalisi arasında aparılıb.

Əziz Mustafa