Tramp  Nobel Sülh Mükafatı səbəbindən Maçadoya kömək etməyəcək

ABŞ Prezidenti Donald Tramp, Venesuela müxalifətinin lideri Mariya Korina Maçadoya ölkəni idarə etmək üçün namizəd kimi dəstək verməyib, çünki o, Trampa Nobel Sülh Mükafatını güzəştə getməyib. Bu barədə "The Washington Post" Ağ Evdəki mənbələrə istinadən yazıb.
Nəşrin məlumatına görə, Tramp keçən il Maçadonun nüfuzlu beynəlxalq mükafatı qəbul etməsinə razı olmasını çox mənfi qarşılayıb. Müxalif siyasətçinin mükafat təqdim olunduqdan sonra ABŞ prezidentinə ictimai minnətdarlığını və tərifini bildirmək cəhdlərinə baxmayaraq, bu, onun mövqeyini dəyişdirməyə kifayət etməyib.
Qəzetin mənbələri iddia edir ki, Tramp uzun müddətdir ki, özünü Nobel Sülh Mükafatına layiq hesab edir və mükafatın başqa bir siyasi xadimə verilməsindən narahatdır.
Yanvarın 3-də Tramp bəyan etmişdi ki, Maçadonun Venesuelanın növbəti prezidenti olmaq ehtimalı azdır.
Xatırladaq ki, 2025-ci il Nobel Sülh Mükafatı oktyabrın 10-da Venesuela siyasətçisi Mariya Korina Maçadoya Venesuela xalqının demokratik hüquqları uğrunda apardığı mübarizəyə görə təqdim olunub.
Almaz Həsənli