Münhen Təhlükəsizlik Konfransında ABŞ-ı Dövlət katibi Marko Rubio təmsil edəcək

Dövlət katibi Marko Rubio qarşıdan gələn Münhen Təhlükəsizlik Konfransında ABŞ-ı təmsil edəcək. Onun Avropa turnesi zamanı bir sıra ikitərəfli görüşləri də planlaşdırılır. Oxuməni.az bu barədə Bloomberg-ə istinadən məlumat verir.

Nəşr xatırladır ki, Rubio ABŞ Prezidenti Donald Trampın Qrenlandiyanı əldə etmək planları Amerika müttəfiqləri arasında narahatlıq yaratdıqdan bir neçə həftə sonra Avropada görüşlər keçirəcək. Münhendən sonra Marko Rubionun Slovakiyaya (Bratislava) səfər etməsi və orada regional təhlükəsizlik, hərbi modernləşdirmə, ikitərəfli məsələlər və ölkənin NATO öhdəliklərini rəsmilərlə müzakirə etməsi gözlənilir.

ABŞ Dövlət Katibinin səfəri Macarıstanın paytaxtı Budapeştə səfərlə başa çatacaq. Orada, 16 fevralda, xüsusilə sülh prosesləri sahəsində ABŞ-ın ikitərəfli və regional maraqlarını gücləndirmək üçün əsas rəsmilərlə görüşəcək.

Bloomberg xatırladır ki, Macarıstanın Baş naziri Viktor Orban Budapeşti Tramp və Kreml lideri Vladimir Putin arasında Ukrayna ilə bağlı sülh danışıqları üçün potensial görüş yeri kimi təklif edib. Məqalədə həmçinin qeyd olunur ki, Macarıstan seçkilərindən qısa müddət əvvəl Trampın müttəfiqi olan Orbanın hakim partiyası sorğularda müxalifətdən geri qalır.

Əziz MUSTAFA