Bir il ərzində dünyada 59 jurnalist öldürülüb

2022-ci ildə dünyada ən azı 59 media işçisi işlərini yerinə yetirərkən öldürülüb.

Oxuməni.az xəbər verir ki, bu məlumatı Reportyorlar (RSF) beynəlxalq təşkilatı dərc edib.

Meksika dördüncü ildir ki, jurnalistlər üçün ən təhlükəli ölkə olaraq qalır, burada ən azı 11 jurnalist öldürülüb. Mütəşəkkil cinayətkarlıq kimi həssas mövzuları işıqlandıran jurnalistlər, bu ölkədə çox təhlükə altında yaşayırlar. Digər onlarla işdə "RSF" indiyədək meksikalı jurnalistlərin ölümü ilə onların işi arasında əlaqəni sübut edə bilməyiblər.

2022-ci ildə Ukrayna da media işçiləri üçün ən təhlükəli ölkələrdən birinə çevrilib. Rusiya təcavüzü bu il xarici səfərlərdə olan jurnalistlərin hər zamankindən daha çox ölümünə səbəb olub. "RSF" -in məlumatına görə, martın 13-də Rusiya qüvvələri tərəfindən güllələnərək öldürülən ukraynalı fotoqraf Maksim Levin və Ukraynanın şərqində çəkiliş aparmağa gedərkən mərmi qəlpəsindən öldürülən fransız videoreportyor Frédéric Leclerc-Imhoff diqqətəlayiq hallardır.

Bundan əvvəl Sərhədsiz Reportyorlar təşkilatı da 2022-ci ildə dünyada ən azı 65 media işçisinin oğurlandığını bəyan etmişdir. Xüsusilə, Ukraynanın "UNİAN" xəbər agentliyinin jurnalisti Dmitri Xilyuk sonuncu dəfə martın 4-də o zaman Rusiya Silahlı Qüvvələrinin nəzarətində olan Kiyev vilayətinin Daymer kəndində görünüb. Xilyukun sonrakı taleyi haqqında heç nə məlum deyil. Sərhədsiz Reportyorlar təşkilatının məlumatına görə, Xilyuk Rusiyaya aparılıb.

Rüfət, Oxuməni.az