Dronlar işğal olunmuş Luqanska hücum edib, partlayışlar eşidilib, yanğınlar başlayıb

23 oktyabr gecəsi işğal olunmuş Luqansk dronlar tərəfindən kütləvi hücuma məruz qalıb. Zərbələr, ehtimal ki, rabitə obyektlərini hədəf aldı: şəhərin bir hissəsində rabitə kəsilib və elektrik enerjisinin verilməsində fasilələr yaranıb.

Oxuməni.az xəbər verir ki, bu barədə Exilenova+ monitorinq kanalı məlumat yayıb.

Bakı vaxtı ilə səhər saat 5:00 radələrində Luqanskda partlayışlar eşidildi. Bu partlayışlardan sonra şəhərdə rabitə və elektrik kəsintiləri başladı.

Yayımlanan videoda zərbənin rabitə qülləsinin yaxınlığındakı infrastruktura dəydiyi anlar göstərilir. Daha sonra işğal olunmuş şəhərin bir hissəsində rabitə tamamilə kəsildi. Hücumun nəticələri ilə bağlı hələlik rəsmi məlumat yoxdur.

Luqansk 2014-cü ildən bəri Rusiyanın işğalı altındadır. İşğal olunmuş Luqanska edilən hücumlar son günlərdə ilk hücum deyil. 21 oktyabr gecəsi dronlar artıq Luqakom telekommunikasiya operatorunun binasına və şəhərdəki Telekommunikasiya Xidmətləri Mərkəzinə hücum edib. Bir gün əvvəl, 20 oktyabrda işğal olunmuş Donetskdəki Uqletelekom məlumat mərkəzinə zərbə endirilib.

Eyni zamanda Müdafiə Qüvvələri Luqansk və Kuraxovo yaxınlığındakı işğalçı komandanlıq məntəqələrinə, eləcə də Krım və Donetsk bölgəsindəki Rusiya anbarlarına zərbələr endirib.

Əziz MUSTAFA