Türkiyə şirkəti Qazaxıstanın cənubunda banan yetişdirməyə başlayıb

Türkiyənin GenGroup Qazaqstan şirkəti Qazaxıstanın Türküstan bölgəsində sənaye miqyasında banan yetişdirməyə başlayıb.

Oxuməni.az xəbər verir ki, bu barədə Qazaxıstan Kənd Təsərrüfatı Nazirliyinin mətbuat xidməti məlumat yayıb.

Şirkət rayonda banan ağaclarından ibarət 5,3 hektarlıq istixana kompleksi inşa edib. Layihənin birinci mərhələsi 4 milyon dollara başa gəlib.

“Tikinti zamanı yüksək möhkəm konstruksiyalardan istifadə olunub, istixanalar iqlim nəzarəti və adaptiv qidalanma sistemi ilə təchiz olunub ki, bu da hətta ən əlverişsiz hava şəraitində belə bitkilərin genetik potensialını tam üzə çıxarmağa imkan verir”, - deyə Kənd Təsərrüfatı Nazirliyindən bildirilib. .
Yaxın gələcəkdə istixana daha 5 hektar genişləndiriləcək ki, bu da ildə təxminən 1000 ton banan istehsalına imkan verəcək.

“Banan çeşidi xüsusi olaraq yetişdirilib və Qazaxıstanın iqlim şəraitinə uyğunlaşdırılıb”, - nazirlikdən bildirilib.
İlk məhsul 2024-cü ilin əvvəlinə planlaşdırılır.

“GenGroup Qazaqstan”ın istixanalarında bananla yanaşı, pomidor və çiyələk də yetişdiriləcək.

Türküstan bölgəsində tropik meyvələrin yetişdirilməsi ilə bağlı ilk məlum təcrübə Kazıqurt rayonu Türbət kənd sakini Həlimə Seytkerimova tərəfindən aparılıb. 2011-ci ildə o, bağçasında bir neçə banan tingi alıb əkib. Sonra ağacların sayı dördə qədər artdı. Seyitkerimova ilk məhsulunu cəmi doqquz ildən sonra - cəmi bir ağacdan alıb. Bu nəticə banan yetişdirmək üçün kifayət qədər uyğun olmayan hava şəraiti ilə izah edildi.

Əziz Mustafa