Britaniya İtaliya və Yaponiya ilə qırıcıların birgə istehsalının vacibliyini qeyd edib

Böyük Britaniyanın Baş naziri Keir Starmer İtaliya və Yaponiya ilə birgə döyüş təyyarəsi istehsalı proqramının vacibliyini vurğuladı. Bu açıqlama onun yeni hökumətinin sxemdən çıxa biləcəyi ilə bağlı fərziyyələrdən sonra gəlir.

Bu barədə “Reuters” xəbər verir.

Starmer Romada rəsmi səfərdədir və burada italiyalı həmkarı Corciya Meloni ilə görüşüb. Danışıqlar müdafiə məsələlərini, o cümlədən Britaniyada Tempest kimi tanınan Qlobal Döyüş Hava Proqramında (GCAP) iki ölkənin iştirakını əhatə edib.

“Biz razılaşdıq ki, birgə müdafiə proqramlarımız, o cümlədən GCAP bizim ümumi milli təhlükəsizlik maraqlarımız və əlaqəli müdafiə sənayesi imkanlarımız üçün həyati əhəmiyyət kəsb edir və əldə etdiyimiz davamlı irəliləyişi alqışlayırıq”, - liderlər görüşdən sonra birgə bəyanatda bildiriblər.

İngiltərənin GCAP-da iştirakının müdafiə araşdırması zamanı dayandırıla biləcəyi ilə bağlı fərziyyələr arasında Starmer iyul ayında proqramın vacibliyini vurğuladı, lakin davamlı iştiraka zəmanət vermədi.

Oxuməni.az