İsveç Ukraynanın gələcəkdə NATO-ya üzv olacağını istisna etmir

13 Fevral 2025 16:05

Bəyəndim (2) Bəyənmədim (0)

İsveçin müdafiə naziri Poul Conson NATO-nun Ukrayna üzrə təmas qrupunun Brüsseldə keçirilən iclasından əvvəl deyib ki, o, Ukraynanın gələcəkdə NATO-ya üzv olmasını istisna etmir. Bununla belə, bunun üçün ölkə giriş üçün bütün şərtlərə əməl etməlidir.

“Ukraynanın NATO-ya üzvlüyü mümkündür. Bizim mövqeyimiz yaxşı məlumdur, biz Vaşinqtonda keçirilən sammitdə deyilənləri dəstəkləyirik ki, Ukraynanın gələcəyi NATO-dadır”,- Conson bildirib.

Bir gün əvvəl Pentaqonun yeni rəhbəri Pit Heqset Ukrayna üzrə Təmas Qrupunun iclası zamanı Ukraynanın NATO-ya üzvlüyünü diplomatik nizamlanmanın qeyri-real nəticəsi adlandırmışdı. İlk dəfədir ki, NATO-nun baş katibi Mark Rutte açıq şəkildə Ukraynaya NATO-ya üzvlük vəd etməyib.

Daha sonra Rusiya Xarici İşlər Nazirliyinin Birinci Avropa Departamentinin direktoru Artem Studennikov bəyan edib ki, NATO qüvvələrinin Ukraynada olması Rusiya tərəfi üçün qətiyyən qəbuledilməzdir.

Əziz Mustafa, Oxuməni.az