WhatsApp-da ChatGPT işə salındı

OpenAI, ChatGPT ilə telefonla əlaqə saxlamağa imkan verən yeni funksiya təqdim etdi. ABŞ sakinləri indi 1-800-242-8478 nömrəsinə zəng edə və “Advanced Voice Mode” rejimində çatbotla danışa bilərlər.
Oxuməni.az xəbər verir ki, bu barədə “iXBT.com” məlumat yayıb.
Nümayiş zamanı tərtibatçılar çatbota zəng edərək Hillsboroda 280 şossesi boyunca yerləşən məşhur memarlıq abidəsi haqqında suallar verdibər. ChatGPT onu dəqiqliklə "The Flintstone House"(Fillinstounların evi) adlandırıb və sonrakı suallara ətraflı cavablar verib.
Funksiya ABŞ-dakı bütün istifadəçilər üçün əlçatandır və ondan istifadə etmək üçün OpenAI hesabı tələb olunmur. Yeganə məhdudiyyət 15 dəqiqədən çox olmayan söhbətin müddətidir. Öz imkanlarına görə, telefon rejimi tətbiqdə çatbot ilə işləməkdən praktiki olaraq fərqlənmir: siz suallar verə, nitqin tərcüməsini xahiş edə və s.
Telefon danışığından başqa, istifadəçilər ChatGPT nömrəsini kontaktlarda saxlaya və WhatsApp messencerində onunla söhbət edə bilərlər.
Almaz Həsənli