Şəkərli diabetlə mübarizə apara biləcək  tərəvəzin adı açıqlanıb

Cənubi Danimarka Universitetinin (SDU) alimləri müəyyən ediblər ki, müntəzəm adi yerkökündən istifadə qanda şəkərin səviyyəsinin tənzimlənməsini yaxşılaşdıra və bağırsaq bakteriyalarının tərkibinə müsbət təsir göstərərək şəkərli diabetlə mübarizə aparmağa kömək edir. Elmi iş “Clinical and Translational Science” (CTS) jurnalında dərc olunub.
Ənənəvi diabet müalicəsi pəhriz dəyişiklikləri və dərmanları ehtiva edir, lakin bir çox xəstə yan təsirləri yaşayır. Yeni bir araşdırmada elm adamları yerköküdən arzuolunmaz reaksiyalara səbəb olmadan təbii tamamlayıcı terapevtik vasitə kimi istifadə oluna biləcəyini öyrənməyə başlayıblar.
Təcrübə zamanı alimlər yerkökün şəkərli diabetli siçanların sağlamlığına təsirini öyrəniblər. Heyvanlar iki qrupa bölünüb: birinə 10% dondurularaq qurudulmuş yerkökü tozu əlavə edilmiş pəhriz, digərinə standart yüksək yağlı pəhriz verilib. 16 həftədən sonra yerkökü ilə qidalanan siçanların qanında şəkərin tənzimlənməsi yaxşılaşıb və daha sağlam bağırsaq bakteriyalarına sahib olublar.
Tədqiqatçılar, yerkökü bağırsaq sağlamlığını dəstəkləyən və enerji mübadiləsini yaxşılaşdıran qısa zəncirli yağ turşuları (SCFA) istehsal edən bakteriyaların sayını artırdığını söyləyiblər. Yerkökü tərkibində olan bioaktiv birləşmələr hüceyrələrə şəkərin daha effektiv şəkildə udulmasına kömək edir, bu da qanda qlükoza səviyyəsini sabitləşdirməyə kömək edir.
Cənubi Danimarka Universitetinin tədqiqat koordinatoru Morten Kobek Larsenin sözlərinə görə, yerkökü ailəsindəki digər tərəvəzlər, məsələn, Cır havuc, kərəviz və cəfəri oxşar xüsusiyyətlərə malik ola bilər. Bununla belə, alimlər vurğulayırlar ki, onların nəticələri heyvan tədqiqatlarına əsaslanır və nəticələri təsdiqləmək üçün insanlarda əlavə klinik sınaqlara ehtiyac var.
Almaz Həsənli