Nazim Sadıqovun UFC-dəki rəqibi bəlli oldu

22 Noyabr 16:07

Bəyəndim (1) Bəyənmədim (0)

Azərbaycanlı döyüşçü Nazim Sadıqovun Mütləq Döyüş Çempionatındakı (UFC) növbəti rəqibi bilinib.
O, braziliyalı İsmael Bonfimlə üz-üzə gələcək.
Döyüş gələn il fevralın 15-də Nevada ştatının Las-Veqas şəhərində keçiriləcək.
İsmael yerli azarkeşlərə tanış rəqibdir. O, UFC-yə aparan yolda - "Dana White's Contender Series"də Azərbaycan təmsilçisi Nəriman Abbasovu məğlub edib.
Nazim Sadıqov sonuncu döyüşünü 2023-cü il noyabrın 11-də keçirib. Və o, xəsarət almayıb. Nazimin üç dəfə döyüşü rəqiblərinin zədəsi səbəbindən yarımçıq qalıb. Nəticədə o, bir ildən çox vaxt itirib.
Qeyd edək ki, bu, Sadıqovun UFC-də 4-cü döyüşü olacaq. O, səkkizguşəli rinqdə 2 qələbə, 1 heç-heçə ilə yadda qalıb. Rəqibi isə keçirdiyi 3 döyüşün 2-də qələbə qazanıbsa, 1 halda məğlub olub.
Almaz Həsənli