Bu gün İsveçdə minifutbol üzrə ilk görüşlər keçiriləcək

19 İyul 09:08

Bəyəndim (0) Bəyənmədim (0)

Azərbaycanımızın xarici ölkələrdə yüksək səviyyədə tanıdılmasında və təbliğ edilməsində müxtəlif tədbirlərin, o cümlədən idmanla bağlı yarışların təşkil edilməsi mühüm rol oynayır. Bu baxımdan İsveçdə yaşayan və ölkəmizi ən yüksək səviyyədə təbliğ edən, bütün varlığı ilə Azırbaycanımıza bağlı olan, qəlbi daim anadan olduğu vətəni ilə döyünən tanınmmış həmyerlimiz, idman məşqçisi Rüfət Əhmədovun adını fəxrlə çəkmək yerinə düşər. Bunu Rüfət müəllimin son illərdə İsveçdə onun təşkilatçılığı və rəhbərliyi altında xarici ölkələrin diaspor təşkilatlarının iştirakı ilə keçirilən beynəlxalq minifutbol turnirində də aydın görmək olar

Bu gün Rüfət müəllimin təşkilatçılığı və İsveçdə 3-cü dəfə keçiriləcək "Stockholm United FM 2024 - SUSA FM 2024" minifutbol turnirində Azərbaycan komandasının təşkilində, layiqli futbolçuların iştirak etməsi və onların ən istedadlılarının üzə çıxarılaraq komandamıza cəlb edilməsində Rüfət müəllimin böyük xidmətləri var.

Yeri gəlmişkən onu da deyək ki, Rüfət müəllimin rəhbərliyi və baş məşqçiliyi altında Azərbaycan komandası "Stockholm United FM 2022 - SUSA FM 2022" ilk minifutbol turnirində fəxri üçüncü yeri tutub. Bu da dünya ölkələri arasında siyasi, iqtisadı baxımdan böyük nüfuza sahib olan İsveçdə Azərbaycanımızın tanıdılmasına, təbliğinə verilən böyük töhfələrdən biridir.

Qeyd edək ki, ilk dəfə 2022-ci ildə keçirilmiş minifutbol turniri Şuşa şəhərinə həsr edilmişdi.

Tunirin tərəfdaşları "Stockholm Fotbollförbundet", "Balder-Martin Kesenci" firması, informasiya dəstəyi "Oxumeni qəzeti" və "Oxumeni.az" saytıdır

İyulun 19-da Stokholm şəhərində İsveçdə yaşayan diaspor təşkilatlarının və ictimai qurumlarının arasında keçiriləcək "Stockholm United FM 2024 - SUSA FM 2024" minifutbol turnirində Azərbaycan komandasının iştirak etməsi də Rüfət Əhmədovun gərgin əməyinin nəticəsidir.

Yeri gəlmişkən onu da deyək ki, Azərbaycan komandasının turnirində iştirakı və onların idman formaları ilə təmin edilməsinə SAF İsveç-Azərbaycan birliyinin sədri, həmyerlimiz, vətənpərvər insan Sevda Dadaşova və köməklik göstərib. Biz də həm Rüfət Əhmədovun, həm də öz adımızdan buna görə Sevda Dadaşovaya və Milli Olipmiya Komitəsinin vice-prezidenti Cingiz Hüseynzadəyə öz təşəkkürlərimizi bildiririk.

. Qeyd etdiyimiz kimi "Stockholm United FM 2024 - SUSA FM 2024" minifutbol turnirinin təşkilatçısı və layihə müəllifi Stockholm United Sport Academy-nin ( SUSA ) rəhbəri, tanınmış azərbaycanlı, İsveçdə yaşayan və Azərbaycanımızı dünyaya tanıdan vətənpərvər, gözəl insan, məşqçi Rüfət Əhmədovdur.

Komandamızın baş məşqçisi isə Şakir Bilalovdur

Rüfət Əhmədovun bizə verdiyi açıqlamaya görə, mini futbol turnirinə hazırlıq məqsədi ilə Azərbaycan komandası iki yoxlama görüşü keçirib. Azərbaycan komandası əvvəlcə 4:0 hesabı ilə Eritreya, sonra isə İraq komandasına 6:2 hesabı ilə qalib gəlib.

Bir daha xatırladaq ki, minifutbol turnirinin tərəfdaşları "Stockholm Fotbollförbundet", "Balder-Martin Kesenci" firması, informasiya dəstəyi isə "Oxumeni qəzeti" və "Oxumeni.az" saytıdır

Komandalar 4 qrupa bölünüb.