Dövlət Müstəqilliyinin 25-ci ildönümünə həsr olunmuş şahmat üzrə Masallı rayon birinciliyi keçirilib

Xəbər verdiyimiz kimi 11-18 oktyabr 2016-cı il tarixlərində Masallı rayon Gənclər və İdman İdarəsinin təşkilatçılığı ilə Masallı rayon Uşaq-Gənclər Şahmat məktəbində Azərbaycan Respublikasının Dövlət Müstəqilliyinin 25-ci ildönümünə həsr olunmuş kiçik yaşlı uşaqlar və yeniyetmələr arasında şahmat üzrə rayon Masallı rayon birinciliyi keçirilib
65 nəfər idmançının iştrakı ilə yarış 2 yaş qrupu üzrə keçirilmişdir. 10 yaşa qədər oğlan və qızların iştrakı ilə keçirilən yarışda Mikayılov Vəkil Raiq oğlu I yerə, Əsgərov Nurlan Emin oğlu II yerə, Məmmədov Şükür Məmmədağa oğlu III yerə layiq görülmüşdür. 16 yaşa qədər oğlan və qızlar arasında keçirilən yarışda isə Bəşirov Mircavad Mirtəbib oğlu I yerə, Əsgərov Tural Emin oğlu II yerə, Əliyeva Fəridə İnqilab qızı III yerə layiq görülmüşlər .
Gərgin və maraqlı mübarizə şəraitində keçirilən yarışda qalib gəlmiş bütün idmançılar Masallı rayon Gənclər və İdman İdarəsi tərəfinidən diplomlarla hədiyyələrlə mükafatlandırılmışdır.

Əlihüseyn Şükürov