Sinif yoldaşını döyərək öldürən səkkiz yeniyetmə həbs edilib

Las-Veqasda 13-17 yaş arası səkkiz orta məktəb şagirdi 17 yaşlı sinif yoldaşının ölümcül döyülməsi nəticəsində qətldə şübhəli bilinərək həbs ediliblər.

Las-Veqas polisinin leytenantı Ceyson Yohansson bildirib ki, müstəntiqlər hələ də hadisədə iştirak etdiyi iddia edilən daha iki tələbənin şəxsiyyətini müəyyənləşdirmək üçün çalışırlar, onun dediyinə görə, bu dava bir cüt naqilsiz qulaqlıq və vap qələm üstündə olub.
Yohansson deyib ki, yerli FTB ofisi səkkiz tələbənin həbs olunmasına kömək edib. Onun sözlərinə görə, əlavə iki tələbə də qətldə ittiham olunacaq. Yohansson, 17 yaşlı qurban Conatan Levis davadan təxminən bir həftə sonra ağır "baş travması" və digər xəsarətlərlə xəstəxanada qaldığını , sonra isə vəfat etdiyini söyləyib.
Las-Veqas Şerifinin müavini Endryu Uolş hücumun sosial mediada yayılan videosunu “son dərəcə narahatedici” adlandırıb.
Yohansson, müstəntiqlərə məktəb rəsmiləri və "Clark County School District" polisinin köməyi ilə şübhəliləri müəyyən etməyə imkan verən həmin video olduğunu söylədi.
Səlahiyyətlilər azyaşlı olduqları üçün şübhəlilərin adlarını açıqlamayıblar. Yohansson və komandası , yetkin olduqdan sonra onların qətldə ittiham edilib-edilməyəcəyini müəyyən etmək üçün yerli rayon prokurorluğu ilə işləyir.
Yohansson bildirib ki, müstəntiqlər qurbanın əvvəlcə davada iştirak etməməli olduğunu , lakin dərs bitdikdən sonra dostunu davanın baş verməli olduğu yaxınlıqdakı xiyabana müşayiət edib. Xiyabanda 10 tələbə dərhal onu mühasirəyə alib, yerə yıxıb , təpikləməyə, yumruqlamağa və ayaqlamağa başlayıblar .
Onun dediyinə görə, davadan sonra, ərazidəki bir "vətəndaş" şiddətli döyülmüş , huşunu itirmiş qurbanı xiyabanda tapıb və onu məktəbin kampusuna aparıb. Məktəbdə çalışanlar dərhal 911-ə zəng ediblər və ambulans onu xəstəxanaya aparıb.

Oxuməni.az