Demi Mur "Maddə" filmindəki roluna görə "Qızıl Qlobus" alıb

Amerikalı aktrisa Demi Mur “Maddə” (2024) filmindəki işinə görə “Komediya və ya musiqili filmdə ən yaxşı aktrisa” kateqoriyasında qalib gələrək “Qızıl Qlobus” mükafatını qazanıb. Mərasim bazar günü CBS kanalı tərəfindən yayımlanıb.

Mükafat uğrunda mübarizədə Mur həm də “Çallenjerlər” (Challengers, 2024) filmindəki Taşa roluna görə Zendaya və “Anora” (Anora, 2024) filmində Anya rolunu oynayan Mayki Medisonu geridə qoydu.

70-dən çox filmdə rol alan Mur üçüncü cəhdində heykəlciyi əldə etməyi bacarıb. O, əvvəllər 1991 və 1997-ci illərdə "Qızıl Qlobus"a namizəd olub, lakin hər iki dəfə mükafatlar digər aktrisalara verilib.

Hollivudda akkreditə olunmuş Xarici Jurnalistlər Assosiasiyası tərəfindən hər il verilən Qızıl Qlobus Mükafatı ABŞ-da nüfuzuna görə Oskardan sonra ikinci yerdədir. Mükafatlar kino və televiziyanı əhatə edən 20-dən çox kateqoriya üzrə ötən ilin nəticələrinə əsasən təqdim olunur. 82-ci mükafatlandırma mərasimi yanvarın 5-də Los-Ancelesdə, Kaliforniyada baş tutub.
Əziz Mustafa, Oxuməni.az