Venesuela xarici işlər naziri ABŞ dövlət katibi Rubionu tənqid edib
Venesuelanın xarici işlər naziri İvan Gil Pinto ABŞ dövlət katibi Marko Rubionu Venesuela, Kuba və Nikaraqua ilə bağlı söylədiyi fikirlərə görə kəskin tənqid edib.
“Marko Rubio Kuba, Nikaraqua və Venesuela haqqında düşməncəsinə düşünmədən yata bilməz. Bizlərə olan nifrətinə, blokadalar, sanksiyalar və təcavüzlə zərər vermək istəyinə baxmayaraq, bu ölkələrin xalqı onu ləyaqət və mətanətlə dəfələrlə məğlub edib", - Gil Pinto Telegram kanalında qeyd edib. O qeyd edib ki, “Rubionun qəzəbi suveren ölkələrin onun qarşısında dayanması və planlarını alt-üst etməsi ilə barışa bilməyən məyus bir bürokratın iyrənc, faşist nifrətindən başqa bir şey deyil”.
"Bəşəriyyətin yeganə düşmənləri müharibə və zorakılıq maşınından istifadə edərək, onilliklər ərzində bütün dünyaya xaos və əzab səpənlərdir", - Xarici İşlər Nazirliyinin rəhbəri Rubionun Kuba, Nikaraqua və Venesuelanın bir-birinin ardınca getməsi ilə bağlı bəyanatına cavab olaraq bildirib.
"Cənab Rubio, siz hürməyə və xəstə bir vəsvəsədən əziyyət çəkməyə davam edə bilərsiniz və biz suverenlik, müqavimət və başımızı dik tutaraq fantaziyalarınızı məğlub etməyə davam edəcəyik", - Venesuela xarici siyasət departamentinin rəhbəri ABŞ katibinə bildirib.
Əziz Mustafa, Oxuməni.az