Slovakiyanın baş naziri Özbəkistana rəsmi səfər edəcək

Slovakiyanın baş naziri Robert Fitso iyunun 8-10-da Özbəkistanda rəsmi səfərdə olacaq.

Özbəkistan Respublikası Prezidentinin mətbuat xidmətinin məlumatına görə, Daşkənddə yüksək səviyyəli danışıqlar aparılacaq, görüşdə Özbəkistan-Slovakiya çoxşaxəli əməkdaşlığının gələcək inkişafı məsələləri müzakirə olunacaq.

Prioritet sahələrdə - ticarət, investisiya və innovasiyalar, kənd təsərrüfatı, sənaye, enerji, turizm sahələrində tərəfdaşlığın genişləndirilməsinə xüsusi diqqət yetiriləcək. Mütəşəkkil əmək miqrasiyası, mədəni-humanitar və təhsil sahələrində qarşılıqlı fəaliyyət məsələlərinə baxılacaq. Çoxtərəfli məkanlarda qarşılıqlı dəstək də daxil olmaqla, beynəlxalq məsələlər üzrə fikir mübadiləsi aparılacaq.

İki ölkə liderlərinin görüşündən sonra Özbəkistan-Slovakiya qarşılıqlı faydalı əməkdaşlığın inkişafına yönəlmiş sənədlərin imzalanması planlaşdırılır.

Səfər proqramı çərçivəsində Slovakiyanın Baş naziri Robert Fitso IV Daşkənd Beynəlxalq İnvestisiya Forumunda da iştirak edəcək.

Əziz Mustafa, Oxuməni.az