Ramzan Kadırov 20 yaşlı oğlu Axmatı Çeçenistan Baş nazirinin müavini təyin etdi

6 Yanvar 14:08

Bəyəndim (2) Bəyənmədim (0)

Çeçenistan rəhbəri Ramzan Kadırovun böyük oğlu, 20 yaşlı Axmat Kadırov respublika hökuməti sədrinin müavini vəzifəsinə təyin edilib. Bu barədə Kadırov-ata öz "Telegram" kanalında məlumat verib.
Çeçenistan hökuməti sədrinin müavini postunu tutan Axmat Kadırov, 2024-cü ilin may ayında təyin olunduğu respublika üzrə Bədən tərbiyəsi və idman naziri vəzifəsini də saxlayacaq. Bundan əvvəl isə o, dörd ay (2024-cü ilin fevralından mayına qədər) Çeçenistanın Gənclər işləri naziri vəzifəsində çalışıb.
Ramzan Kadırovun ikinci oğlu Zəlimxan 2024-cü ildə "Axmat" çeçen döyüş klubuna və Çeçenistan Boks Federasiyasına rəhbərlik edib. Üçüncü oğlu Adam isə 2025-ci ildə respublika Təhlükəsizlik Şurasının katibi olub. "Proyekt"in hesablamalarına görə, ümumilikdə Ramzan Kadırovun 14 övladından yeddisi də daxil olmaqla, azı 96 qohumu hakimiyyətlə əlaqəli vəzifələrdə çalışıb və ya çalışmaqdadır.
Almaz Həsənli